يوم .. دامــــــي .. الى يجلس على الكرسي ..ويتاجر بدم الشعب.. الى فاجعة يوم الاربعاء

(( يوم .. دامي ))

***

( في الغفلة امتد كف الخيانة ... لتتصاعد الارواح الى الوطن الاخر ......)

&&&&

شكد تحب لون الدمار ...

الانتخابات الشريفه ..

تاكل ضلوع اليتامه ..

وتسكر بدم الزغار ..

وطن ..

مدري شلون صار ..

الامان يريد امان ..

والهوى يدور ... صدر ما بي دخان ..

والسياسه ..

والسياسه العرجة متحطم جسرها ...

شلون تعبر للسياسه ..

هاي معناها انتحار ..

ولذلك

كل سياسي ...

باب بيته ... كبال بيبان المطار ..

***

الانتخابات الشريفه ...

شكد شريفه ..

من اجل حفل الامان ..

شعلت خيوط القذيفه ..

ولان تهتم بالتراث ..

زحمه من تعله عماره ..

لازم نفجرها ونعلي الصريفه ..!!

**

يوم دامي ..

وهوه يا يوم اليمر ما بيه دم ..؟

الانتخابات ..

التجي ويقرب وكتها بغير دوله تصير فرحه ..

واحنه عدنه تصير هم ..

والله محتار العراقي ..

بالبحر خله السفينه وما رضوها ..

خله عبارة نجاته وما رضوها ..

وما رضو حتى البلم ..

لازم يموت العراقي ..

ولازم تقوم القيامه ..

ويه كل جرة قلم ..

**

يوم دامي ..

وحضرت ارواح القياده ..

حمورابي ..

والمثنى ..

وفيصل ... وعبد الكريم ..

حضنو بحضن السياده ...

ارواح اجتي بلا سياده ..

اني ما شايف شعب بالسمه يعيش ...!!

وبسؤالك عنه ليش ..؟

يجاوب بهاي الافاده ..

( نحن شعب .. في وطن يشكو الزياده )

يا حكومتنه الجليله ..

انتو عايزكم وطنه ..

والشعب كله زياده ..

احنه كل احنه ..

زياده

مشكور حبي موضع رائع

مشكوووووور والله قصيدة رائعة من عضو مبدع

يسلمووووو على المرور العطر