نهــــــاية حـــــب

نهــــــاية حـــــب
انتـــــــــهى الحـــــــــب الجــــــــــمعنا
وما اظن نرجع بعد
ضاع اللي بنيته وياك وضاع حبنا للأبد
ضاعت ايام المحبه وضاعت ايام السعد
وصار ليلك يغازل ضنوني
والهم لابسني بلاي حد
المن اشكي من بعدك؟
ياجرح ينزف بروحي وماضمد
تذكر شكد جنت علي تغار؟
تذكر ايام البعد؟
تذكر من جنت تبجي من الفراك
وتاليها خنت الوعد00
بعد مــــــــــا تنفــــــــع ملامه
الراح راح ومايرد
تذكر شكد جنت اتحمل بجفاك هموم
تذكر من تلاكيت وياك بليل مشؤوم
ضلت تسهرلك عيوني 00
وحتى عافت النوم00
بنيت حلمي وياك إعلى المحبه
شو هسه الحلم مهدوم؟
تحملت لعيونك مر الصبر وبيه ترجع تلوم
جاريتك مثل متريد00
وجني سجين بأمرتك محكوم
تزعل وأراضيك00
وكبريائي وياك صبح معدوم
ماضنيتك تصيب اليحبك
وتجازيه بسهم مسموم00
خلص افتهمت اللي تريده
وميصري وياك صار معلوم
طلعت نيتك مو سليمه وياي
وكلبك نصين مقسوم00
جنت اكول القدر بعدك عني
بس مسكين القدر مظلوم
ما راح انتهي بعدك
وعيونك00
وتوصلك مني علوم
ارجع احب
وعلى عنادك اظل احب للدوم
وعلى عنادك
بعد ما تطيح من العين دمعه
و راح اهجر مراسي الحزن بلاي رجعه
ولون بالكلب ونه00
ونين كلبي لتصدك تسمعه
وإذا انت قصدك تذلني
انا روحي عودتها عالرفعه
مو بس انت بدنياي
الف غيرك يسعالي مو اني اسعى
ومو بس شمعتك تضوي بحياتي
بالدنيا غيرك الف شمعه
واذا تهجرني انت الخميس
احب غيرك الجمعه
واذا تمسني بطرف ايدك
اردلكياها بألف صفعه
حسبالك اضيع من بعدك
لان بحبك روحي متولعه
ارد اكلك انت غلطان
الدرب الي مشيته وياك اندله بالرجعه

..............................

تحياتي للجميع

شكرا على القصيدة الرائعه واكثر من رائعة